Mediante a presente comunicación procedemos a trasladar as medidas adoptadas PROVISIONALMENTE desde a Federación Galega de Judo e D.A. en relación á autorización da práctica con CONTACTO á que se fai referencia na publicación no DOG de hoxe día 18 de setembro de 2020, de aplicación a partir de mañá día 19, no que se reitera a necesidade de regulación da actividades dos nosos deportes a través dos protocolos federativos, tal e como se viña facendo até o de agora, pero permitindo o contacto có uso OBRIGATÓRIO de MÁSCARA.
En datas pasadas presentouse unha proposta gradual para a volta aos adestramentos que ainda precisa ser visada pola Secretaría Xeral para o Deporte pero, como indicamos, de xeito provisional, procedemos a dar o visto bo a partir de mañá día 19 de setembro de 2020 ao comezo da actividade deportiva para os deportistas da Federación Galega de Judo e D.A. CON UNHA ÚNICA PARELLA, que se debe manter durante todo o adestramento e todas as sesións até recibir novas indicacións, coa realización de traballos exclusivamente EN PÉ e SEN OPOSICIÓN; ademáis nos tempos de descanso debe manterse o 1,5m de distancia con ela e có resto de participantes na sesión, permanentemente coa máscara posta; o resto de indicacións e/ou recomendacións recollidas no protocolo seguen a estar vixentes nas condicións actuáis (hixienización, ventilación, acceso, desaloxo,...).
A vindeira semana procederemos a trasladar a todos os clubs a ampliación completa do protocolo federativo, incluindo o resto de fases, en caso de que desde a Secretaría Xeral para o Deporte aproben a aplicación completa da proposta, que indica avanzar cada certo período de días até o retorno SEGURO á realidade dos nosos deportes.
No hay comentarios:
Publicar un comentario